குறையொன்றுமில்லை என்ன கதை?
3/23/2013 12:32:57 AM
சென்னை : புதுமுகங்கள் கீதன், ஹரிதா நடிக்கும் படம், ‘குறையொன்றுமில்லை’. படத்தை இயக்கும் கார்த்திக் ரவி, நிருபர்களிடம் கூறியதாவது: ஓர் ஆணின் கடைசி காதல், ஒரு பெண்ணின் முதல் காதலாக இருந்தால் எப்படி இருக்கும் என்பதை சுவாரஸ்யமாகச் சொல்லும் கதை. ஹீரோவுக்கு இது கடைசி காதல். ஹீரோயினுக்கு முதல் காதல். அவர்களிடம் இருக்கும் குறைகள், காதலுக்கு எப்படி எல்லாம் பிரச்னைகள் ஏற்படுத்துகிறது? அதிலிருந்து அவர்கள் எப்படி மீள்கின்றனர் என்பதை சொல்கிறேன். அதோடு மாறி வரும் விவசாய முறைகளில், புதிதாக என்னென்ன நுட்பங்களைப் புகுத்தினால், அமோக விளைச்சல் பெறலாம் என்ற மெசேஜையும் சொல்கிறேன்.
படப்பிடிப்பு மற்றும் போஸ்ட் புரொடக்ஷன் பணி முடிந்து விட்டது. விரைவில் ரிலீசாகிறது.