|
-
சுருட்டிய அனுஷ்கா சுருண்ட த்ரிஷா
நேரில் சிக்கினால் அநேகமாக அனுஷ்காவை கைமா செய்து விடுவார், த்ரிஷா. காரணம், ரொம்ப சிம்பிள். தெலுங்குப் படங்களில் நடிப்பதை குறைத்துக் கொண்ட அனுஷ்கா, தமிழ்ப் படங்களில் முழு கவனமும் செலுத்தி வருகிறார். விக்ரமுடன், ‘தாண்டவம்’, கார்த்தியுடன், ‘அலெக்ஸ் பாண்டியன்’, செல்வராகவன் இயக்கத்தில் ஆர்யாவுடன் ‘இரண்டாம் உலகம்’ என இந்த ஆண்டு முழுக்க அவர் பிசி. இதை கூட த்ரிஷா பொறுத்துக் கொள்வார். ஆனால், தான் நடித்து வந்த விளம்பரப் படங்களை அடுத்தடுத்து அனுஷ்கா கைப்பற்றியதைதான் த்ரிஷாவால் தாங்கிக் கொள்ள முடியவில்லை. கூட்டிக் கழித்துப் பார்த்தால், இன்று தமிழகத்தில் த்ரிஷா, ஜீரோ. இப்போது முதல் வரியை மீண்டும் படியுங்கள்.
|
-
சுண்டி இழுக்கும் வித்யா
‘ஃபார் ஹிம் மேகஸின்’ என்பது ஆண்களுக்கான மாத பத்திரிகை. 1985ல் இங்கிலாந்தில் தொடங்கப்பட்ட இந்த இதழ், 1994 முதல் ‘எஃப்எச்எம்’ என அழைக்கப்படுகிறது. இந்த இதழின் லேட்டஸ்ட் அட்டையை நடிகை வித்யா பாலன் அலங்கரித்திருக்கிறார்.
|
-
மாதவன் தரும் அட்வைஸ்
காதலர்கள் பிரிய நினைத்தால் பிரிந்துவிட வேண்டும். பிரிந்தபிறகு எதையும் நியாயப்படுத்த வேண்டிய அவசியம் இருக்காது என்பது மாதவன் தரும் அட்வைஸ்.
|
-
கமல் படத்துக்கு வேற டைரக்டர்
கே.எஸ்.ரவிகுமார் இந்திக்குப் போறார். நம்ம ‘சாமி’யை அங்கே சஞ்சய் தத்தை வச்சு எடுக்க ஆஃபர் வர, அதுக்குத் தயாராகறார் அவர். ஆக, அடுத்த கமல் படத்துக்கு வேற டைரக்டரை எதிர்பார்க்கலாம்..!
|
-
கௌம்பிட்டாய்ங்கய்யா... கௌம்பிட்டாய்ங்க..!
தான் ஹீரோவாகிற ‘நான்’ படத்துல ஒரு புதுக்கவிஞரை அறிமுகப்படுத்த ஆன்லைன்ல போட்டி அறிவிச்ச விஜய் ஆன்டனிக்கு ஒரே நாள்ல 500க்கு மேல கவிஞர்கள் ரிப்ளை அனுப்ப... மனுஷர் ஆடிப்போயிட்டார். கௌம்பிட்டாய்ங்கய்யா... கௌம்பிட்டாய்ங்க..!
|
-
‘ஆதிபகவனு’க்காக ஒரு பிரேக்
பாரதிராஜாவோட ‘அன்னக்கொடியும் கொடி வீரனும்’ படத்துல ஒரு ஷெட்யூலை முடிச்சுட்ட அமீர், தன்னோட ‘ஆதிபகவனு’க்காக ஒரு பிரேக் எடுத்துக்கிட்டிருக்கார். இது முடிஞ்சதும் அதாம்..!
|
-
கவர்ச்சிக்கு நான் எதிரிதான்: மோனிகா
மோனிகா கூறியதாவது: நான் நடித்துள்ள ‘அகராதி’ படம் விரைவில் வெளிவர இருக்கிறது. இந்தப் படத்தை கன்னடத்தில் மீண்டும் உருவாக்குகின்றனர். அதிலும் நானே நடிக்கிறேன். அடுத்து, ‘கூத்துக்காரப் பசங்க’ படத்தில் நடித்து வருகிறேன். இதுவரை நான் ஏற்காத வேடம். தெலுங்கில், ‘ஜெகதாம்பாள் டூரிங் டாக்கீஸ்’ படத்தில் நடிக்கிறேன். இதில் தியேட்டர் உரிமையாளரின் மகளாக வருகிறேன். சில படங்களில் கவர்ச்சியாக நடிக்கும்படி கேட்டார்கள். ஆரம்பத்திலிருந்தே அப்படி நடிப்பதை தவிர்த்து வந்தேன். இப்போதும் அந்த கொள்கையில் மாற்றம் இல்லை.
|
-
இந்திக்கு போகிறது அப்படிப் போடு!
விஜய், த்ரிஷா நடித்த ‘கில்லி’ படத்தில் இடம்பெற்ற பாடல், ‘அப்படிப்போடு போடு போடு’. இந்த ட்யூன் இந்திக்குப் போகிறது. சமீபத்தில் சல்மான் கான், அசின் நடித்து ஹிட்டான படம் ‘ரெடி’. தெலுங்கு ‘ஆர்யா’ படத்தில் ஹிட்டான, ‘ரிங்க ரிங்கா’ பாடல் டியூன் இந்தப் படத்துக்கு பயன்படுத்தப்பட்டு ஹிட்டானது. இதையடுத்து, இந்தி வில்லன் நடிகர் சோனு சூட், ‘கில்லி’ படத்தில் ஹிட்டான, ‘அப்படிப் போடு போடு போடு’ பாடல் ட்யூனை வாங்கியுள்ளார். சோனு சூட், ‘அருந்ததி’ படத்தில் வில்லனாக நடித்தவர். தற்போது ‘ஒஸ்தி’ படத்தில் வில்லனாக நடித்துள்ளார். சோனு, ‘லக்கி அன்லக்கி’ என்ற இந்திப் படத்தை தயாரித்து வருகிறார். இதில் ‘அப்படிப்போடு போடு போடு’ ட்யூன் இடம்பெறுகிறது. மல்லிகா ஷெராவத்துடன் சோனு ஆடுகிறார். ‘‘இந்த ட்யூனுக்கான உரிமையை இசை அமைப்பாளர் வித்யாசாகரிடமிருந்து வாங்கியுள்ளேன். இந்திக்காக சில மாற்றங்களை செய்து தர இருக்கிறார் அவர்’’ என்றார் சோனு.
|
|
|
|
|