ஷூட்டிங் சிக்கல்: கவர்ச்சி பயம்

7/3/2013 11:58:38 AM

நல்ல காலம் பொறக்குது... நல்ல காலம் பொறக்குது...

வேல்டு ஹீரோ வாரிசு நடிகைக்கு இப்பெல்லாம் சட் சட்டுனு கோபம் வருதாம்... வருதாம்... இதால யாரு என்னனுகூட பாக்காம மூஞ்ச காட்றாராம். பிரபு நடன இயக்கத்தோட பாலிவுட் படத்துல வாரிசு நடிகை நடிக்கறாராம். சில நாளுக்கு முன்னே ஷூட்டிங் ஸ்பாட்ல ஒரு ஷாட் விஷயமா ரெண்டுபேருக்கும் ஒத்துப்போகலையாம். இதால ஷூட்டிங் தொடங்கறதுல சிக்கலாயிடுச்சாம். நீண்ட நேரத்துக்கு பிறகு ஸ்பாட்டுக்கு நடிகை வந்தப்பவும் இயக்கத்தோட சரியா பேசலயாம். இதால யூனிட்டே மயான அமைதில இருந்துச்சாம்... இருந்துச்சாம்... கடைசிவரை அம்மணி ஸாரி எதுவும் கேட்காததால மனசுக்குள இயக்கம் வருத்தத்துலேயே இருக்காராம்... இருக்காராம்...

சில்க் வாழ்க்கை படத்துல பிந்துவான நடிகையத்தான் நடிக்க கேட்டாங்களாம். ஏத்துக்க மறுத்துட்டாராம். கால்ஷீட் இல்லாததாலதான் நடிக்கலேன்னு நடிகை தரப்புல சொன்னாலும் அதை நம்ப முடியலன்னு இயக்குனருங்க சொல்றாங்களாம். சில்க் கவர்ச்சி நடிகையா இருந்தவரு. ஆனா பிந்து நடிக ஹீரோயினா நடிக்கிறாரு. சில்க் பாணில நடிக்க ஆரம்பிச்சா, அவரையும் ஒரேயடியா கவர்ச்சி குத்தாட்ட நடிகையாக்கிடுவாங்கனு பயப்பட்றாராம்... பயப்பட்றாராம்...

உடல் நலம் பாதிச்சி ஒதுங்கி இருக்கற ஆச்சி நடிக யோட காமெடி இடம் இப்ப காலியா இருக்காம்... இருக்காம்... இந்த இடத்த சரள நடிக பிடிப்பாருனு எதிர்பாத்தாங்களாம். அவரோ கோலிவுட், டோலிவுட்னு மாறி மாறி நடிக்கறதால அடிக்கடி காணாம போயிட்றாராம். அவருக்கு மாற்றா ஆர்தியான நடிகைய இயக்குனருங்க படத்துக்கு ஃபிக்ஸ் பண்றாங்களாம். முழுகவனமும் அவருக்கு பிலிம்ல இல்லாததால போட்டிக்கு அவரை மாதிரியே இன்னொரு நடிகை வந்திருக்காராம். நீ தான கோல்டு வசந்தம், ஃபயரா வேல செய்யணும் படங்களல நடிச்ச இந்த குண்டு நடிகை, இப்ப ஆர்திய ஓவர்டேக் பண்ண முயற்சி பண்றாராம்... பண்றாராம்...

Tags:

Movie Gallery

-----