வில்லன் சிபாரிசு: சிக்கலில் தயாரிப்பு

7/5/2013 12:23:05 PM

நல்லகாலம் பொறக்குது...
நல்லகாலம் பொறக்குது...
கிரிக்கெட் சூதாட்டத்துல சிக்கி, பரபரப்பாக பேசப்பட்ட ஸ்ரீயான விளையாட்டு வீரரை ஹீரோவா போட்டு பாலிவுட், மல்லுவுட்ல படம் இயக்க முடிவு செஞ்சிருக்காங்களாம். வில்லத்தனமான காரியம் செஞ்ச வீரருக்கு வில்லனா நடிக்க யாரை போடலாம்னு யோசிச்சப்ப பிரகாச வில்லன் பேரை முடிவு பண்ணாங்களாம். அவரும் நடிக்க பச்சைக்கொடி காட்டிட்டாராம். ஆனா படத்துல டான்ஸ் மாஸ்டரா தன்னோட வீட்டுக்காரம்மாதான் வேலை செய்வாங்கன்னு ஜோவியலா சொன்னாராம். உடனே இயக்கம், ‘நோ அப்ஜெக்ஷன், அவங்கதான் டான்ஸ் மாஸ்டர்னு’ உறுதி கொடுத்தாராம்... கொடுத்தாராம்...
சிலுக்கு நடிக வாழ்க்கைய மையமா வச்சி இதுவரைக்கும் ரெண்டு படம் வந்திடுச்சாம்... வந்திடுச்சாம்... மூணாவதா வீனாவான பாக் நடிகை நடிக்கற படம் சேன்டல்வுட்ல படமாகுதாம். சிலுக்கு மாதிரியே டான்ஸ் ஆடணும்னு இயக்கம் கண்டிஷன் போட்டாராம். ஓகே சொல்லி டான்ஸுக்கு தயாரானவர் கால் விரல் தரையில மடங்கி எலும்ப முறிச்சிக்கிட்டாராம். சிலுக்கு மாதிரி நடிக்கலாம். அதுக்காக அவர மாதிரியே டான்ஸ் ஆடணும்னா கைய காலத்தான் உடைச்சிக்கணும். உனக்கு என்ன வருமோ அத ஆடுன்னு கூட இருக்கறவங்க நடிகைக்கு அட்வைஸ் பண்ணாங்களாம்... பண்ணாங்களாம்...
தலைவனான படத்துல நடிச்ச ஹீரோ திடீர்னு கைதாகி சிறைல இருக்காராம்... இருக்காராம்... படத்த தயாரிக்கற சித்திரையானவர்கிட்டயும் விசாரணை நடக்குதாம். இதுக்கிடைல ஏற்கனவே தயாரிச்ச படங்கள்ல வினியோகஸ்தருக்கு சித்திரையானவர் பாக்கி தர வேண்டி இருக்காம். புதுபடம் தயாரிக்கறது தெரிஞ்சதும் வினியோகஸ்தர் சங்கத்துல இருந்து போன் பண்ணி பழைய பாக்கிய கட்டச் சொல்லி ஆர்டர் போடறாங்களாம். மத்தளத்துக்கு ரெண்டு பக்கம் இடிமாதிரி சிக்கல்ல சிக்கி தயாரிப்பு தவிக்கறாராம்... தவிக்கறாராம்...

Tags:

Movie Gallery

-----