அமலா மகன் ஹீரோ ஆகிறார்

6/2/2014 2:31:11 PM

அமலா மகன் ஹீரோவாக அறிமுகமாகிறார். மைதிலி என்னை காதலி, வேலைக்காரன், சத்யா, அக்னி நட்சத்திரம் என 90களில் நடித்து வந்த அமலா, டோலிவுட் நடிகர் நாகார்ஜுனாவை காதலித்து மணந்தார். இவர்களுக்கு அகில் அகினேனி என்ற மகன் உள்ளார். தமிழில் வெளியான சுட்டிக்குழந்தை என்ற படத்தில் கைக்குழந்தையாக இவர் நடித்திருக்கிறார். பிறகு படங்களில் நடிக்கவில்லை. பல்வேறு படங்களில் நடிக்க இயக்குனர்கள் அணுகியபோதும் நடிக்க மறுத்துவிட்டார். நாகார்ஜுனா, அமலாவும் அதற்கு அனுமதி தரவில்லை. இந்நிலையில் நாகேஸ்வரராவ், நாகார்ஜுனா, நாக சைதன்யா இணைந்து நடித்த மனம் என்ற படத்தில் கெஸ்ட் ரோலில் நடித்தார் அகில். இது இவர்களின் சொந்த தயாரிப்பில் உருவான படம். இதையடுத்து அகிலை ஹீரோவாக அறிமுகப்படுத்த பெற்றோர் முடிவு செய்துள்ளனர். இதற்காக நாகார்ஜுனா இயக்குனர்களிடம் கதை கேட்டு வருகிறார்.

ஏற்கனவே ஆட்டோ நகர் ராஜா என்ற தெலுங்கு படத்தில் நாகார்ஜுனாவுடன் டைரக்டர் தேவா பணியாற்றியபோது அகிலுக்காக அவரிடம் ஒரு வரி கதை சொன்னார். அது நாகார்ஜுனாவுக்கு பிடித்துப்போகவே முழு ஸ்கிரிப்ட் தயாரிக்க சொன்னார். தற்போது ஸ்கிரிப்ட் தயாராகிவிட்டது. இப்படம் மூலம் அகிலை ஹீரோவாக அறிமுகப்படுத்த திட்டமிட்டுள்ளனர் அமலா - நாகார்ஜுனா தம்பதி.

Tags:

Movie Gallery

-----