ஹைபர் லிங்க் திரில்லர் கதையில் பரத்

சென்னை: ஃபிரைடே பிலிம் பேக்டரி சார்பில் கேப்டன் எம்.பி.ஆனந்த் தயாரித்துள்ள படம், ‘ஒன்ஸ் அபான் எ டைம் இன் மெட்ராஸ்’. பாலா, ட்ரீம் ஹவுஸ் ஹாரூன், பிஜிஎஸ் புரொடக்‌ஷன்ஸ் பிஜிஎஸ் ஆகியோர் இணை தயாரிப்பு செய்திருக்கின்றனர். பரத், ஷான், ராஜாஜி, அபிராமி, அஞ்சலி நாயர், பவித்ரா லட்சுமி, கன்னிகா, தலைவாசல் விஜய், அருள் டி சங்கர், பொற்கொடி, பிஜிஎஸ், கல்கி, சையத், திருநங்கை தீக்‌ஷா நடித்துள்ளனர். ‘நெடுநல்வாடை’ ஜோஸ் பிராங்க்ளின் இசை அமைத்துள்ளார்.

ஜெகன் கவிராஜ், வசனம், பாடல்கள் எழுதியுள்ளார். காளிதாஸ், கண்ணன் இணைந்து ஒளிப்பதிவு செய்துள்ளனர். படம் குறித்து இயக்குனர் பிரசாத் முருகன் கூறுகையில், ‘ஹைபர் லிங்க் திரில்லர் கதை இது. எதிர்பாராவிதமாக 4 பேரிடம் ஒரு துப்பாக்கி கிடைக்கிறது. வெவ்வேறு வாழ்க்கையை மேற்கொண்டு வரும் அவர்களை, அந்த துப்பாக்கி எப்படி மாற்றுகிறது என்பது கிளைமாக்ஸ். வரும் டிசம்பர் மாதம் படம் திரைக்கு வருகிறது’ என்றார்.