‘டயங்கரம்’ படப்பிடிப்பு நிறைவு

வேல்ஸ் பிலிம் இண்டர்நேஷனல் சார்பில் ஐசரி கே.கணேஷ் தயாரிக்கும் படம், ‘டயங்கரம்’. டிஜிட்டல் நட்சத்திரமும், ‘டிராகன்’ என்ற படத்தின் மூலம் ரசிகர்கள் மத்தியில் பிரபலமானவருமான விஜே சித்து, கதையின் நாயகனாக நடித்து இயக்கியுள்ளார். சமீபத்தில் இப்படத்தின் படப்பிடிப்பு நிறைவடைந்ததாக படக்குழு தெரிவித்துள்ளது. முக்கிய கேரக்டர்களில் நட்டி நட்ராஜ், காளி வெங்கட், இளவரசு, நிதின் சத்யா, ஹர்ஷத்கான், ‘ஆதித்யா’ கதிர் நடித்துள்ளனர்.

பி.தினேஷ் கிருஷ்ணன் ஒளிப்பதிவு செய்ய, சித்து குமார் இசை அமைக்க, பிரதீப் ஈ.ராகவ் எடிட்டிங் செய்துள்ளார். இளைய தலைமுறையினரின் வாழ்வியலை மையப்படுத்திய நகைச்சுவை கலந்த பொழுதுபோக்கு படமான இதன் ஆடியோ உரிமையை வேல்ஸ் மியூசிக் இண்டர்நேஷனல் வாங்கியுள்ளது. இளைஞர்களின் ஆற்றல், காமெடி, எமோஷன், சுய அடையாளத்தை கண்டுபிடிக்கும் பயணம் ஆகிய அம்சங்களுடன் படம் உருவாகியுள்ளது. தற்போது போஸ்ட் புரொடக்‌ஷன் பணிகள் நடந்து வருகிறது.