மல்லுவுட்டில் அறிமுகமாகும் கெனிஷா

கொச்சி: மலையாளத்தில் Mud Fish திரைப்படத்தின் மூலம் அறிமுகம் ஆகிறார் பாடகி கெனிஷா. ஜிதின் ஐசக் தாமஸ் இயக்கியுள்ள Mud Fish திரைப்படத்தில் சன்னி வேய்ன் கதாநாயகனாக நடித்துள்ளார். அதன் வித்தியாசமான கதை மற்றும் மண்ணின் மணம் மிக்க கதை சொல்லும் பாணி ஏற்கனவே ரசிகர்களின் கவனத்தை ஈர்த்துள்ளது. திரைப்படம் திரையரங்க ரசிகர்களுக்கு முழுமையான அனுபவத்தை வழங்கும் என எதிர்பார்க்கப்படுகிறது.

இதில் இசை முக்கிய பங்கு வகிப்பதுடன், கெனிஷாவின் பங்களிப்பு திரைப்படத்தின் உணர்ச்சி உலகிற்கு தனித்துவமான ஆழத்தையும் அழகையும் சேர்க்கும் என படக்குழு தெரிவித்துள்ளது. கெனிஷா கூறும்போது, ‘‘இசை என்பது எப்போதும் உணர்வுகளை வெளிப்படுத்தவும், மக்களை இணைக்கவும், நேர்மறை ஆற்றலைப் பரப்பவும் உதவும் சக்திவாய்ந்த ஊடகமாக இருந்து வருகிறது. அர்த்தமுள்ள மற்றும் மனதைத் தொடும் இசையை உருவாக்கும் ஆழ்ந்த ஆர்வத்துடன், தொடர்ந்து ஒரு கலைஞராக வளர்ந்து வருவதோடு, பல்வேறு துறைகளிலும் மொழிகளிலும் புதிய படைப்பாற்றல் வாய்ப்புகளை ஆர்வமுடன் ஏற்றுக்கொள்கிறேன்’’ என்றார்.