சமுத்திரக்கனி நடிக்கும் பரபரப்பான வெப் தொடர் ‘‘தடயம்‘‘ !

சமுத்திரகனி நடிப்பில் உருவாகி வரும் புதிய வெப் தொடருக்கு ‘தடயம்’ என பெயரிடப்பட்டுள்ளது. போலீஸ் துறை பின்னணியில் த்ரில்லர் அம்சங்களுடன் உருவாகும் இந்தத் தொடரை இயக்கியுள்ளார் நவீன் குமார் பழனிவேல். தயாரிப்பை அஜய் கிருஷ்ணா மேற்கொண்டுள்ளார். கதை சொல்லும் முறையிலும், பரபரப்பூட்டும் விசாரணை நெடுவரிசையிலும் இந்தத் தொடர் வித்தியாசமான அனுபவத்தை வழங்கும் என கூறப்படுகிறது.

இந்த வெப் தொடர் விரைவில் ஜீ5 ஓடிடி தளத்தில் வெளியாக உள்ளது. இதற்கு முன்பு, சமுத்திரக்கனி இயக்கி நடித்த ‘‘வினோதய சித்தம்‘‘ திரைப்படம் அதே தளத்தில் வெளியானபோது பார்வையாளர்களிடையே சிறப்பான வரவேற்பைப் பெற்றது குறிப்பிடத்தக்கது.

அந்த வெற்றியின் தொடர்ச்சியாக ‘தடயம்’ தொடரும் திரையுலக ரசிகர்களுக்கு மறக்க முடியாத அனுபவமாக அமையும் என்று ஜீ5 தரப்பு தெரிவித்துள்ளது. தொடரின் மற்ற நடிகர் பட்டியல் மற்றும் வெளியீட்டு தேதி உள்ளிட்ட தகவல்கள் விரைவில் அறிவிக்கப்பட உள்ளன.