நேபாளத்தில் பாதிக்கப்பட்ட மக்களுக்கு சோனு சூட் நேரில் உதவி

காத்மாண்டு: கடந்த ஆகஸ்ட் மாத இறுதியில் நேபாளத்தில் பனிப்பாறை வெடிப்பு காரணமாக பெரு வெள்ளம் ஏற்பட்டது. இந்த இயற்கை பேரிடரில் 900-க்கும் மேற்பட்டோர் உயிரிழந்துள்ளனர், ஆயிரக்கணக்கானோர் காணாமல் போயுள்ளனர். இந்த இக்கட்டான சூழ்நிலையில், பாதிக்கப்பட்ட நேபாள மக்களுக்கு ஆதரவாக தங்களின் வாழ்க்கை மீண்டும் இயல்பு நிலைக்குத் திரும்ப உதவப் போவதாக நடிகர் சோனு சூட் சமூக ஊடகங்கள் மூலம் உறுதியளித்தார். அதன்படி, அவர் நேற்றுமுன்தினம் நேபாள தலைநகர் காத்மாண்டுவிற்கு நேரில் சென்றடைந்தார். காத்மாண்டு வந்திறங்கிய சோனு சூட், வெள்ளத்தால் மிக மோசமாக பாதிக்கப்பட்ட பகுதிகளில் ஒன்றான திரிசூலி பஜார் பகுதிக்குத் தனது குழுவினருடன் நேரில் சென்றார்.

அங்குள்ள உள்ளூர் மக்களைச் சந்தித்து, அவர்களின் தற்போதைய தேவைகளைக் கேட்டறிந்து, அவர்களுக்கு ஆறுதல் கூறினார். வெள்ளத்தால் வீடுகளையும் உடைமைகளையும் இழந்து தவிக்கும் மக்களுக்காக சோனு சூட் மற்றும் அவரது அறக்கட்டளை குழுவினர் இந்தியாவில் இருந்து ஏராளமான நிவாரணப் பொருட்களைக் கொண்டு சென்றுள்ளனர். முதற்கட்டமாக, பாதிக்கப்பட்ட மக்களுக்குத் தேவையான போர்வைகள் மற்றும் உணவுப் பொருட்கள் விநியோகிக்கப்பட்டு வருகின்றன. இதையடுத்து ரசிகர்கள் சோனு சூட்டின் இந்த செயலை பாராட்டி வருகிறார்கள்.