விளம்பரங்களில் கொடிகட்டி பறக்கும் ஸ்ரீலீலா

தெலுங்கு படவுலகின் முன்னணி நடிகை ஸ்ரீலீலா, தமிழில் சிவகார்த்திகேயன் ஜோடியாக ‘பராசக்தி’ என்ற படத்தில் நடித்தார். தற்போது ராஜ்குமார் பெரியசாமி இயக்கத்தில் தனுஷ் நடிக்கும் ‘ஓம்’ என்ற படத்தில், சாய் பல்லவியுடன் இணைந்து மற்றொரு ஹீரோயினாக நடிக்கிறார். தவிர இந்தியிலும், தெலுங்கிலும் சில படங்களில் நடித்து வருகிறார். இன்ஸ்டாகிராமில் சுறுசுறுப்பாக இயங்கி வரும் அவர், தன்னைப் பற்றிய பல்வேறு அப்டேட்டுகளை வெளியிட்டு, ரசிகர்களுடன் நல்ல தொடர்பில் இருக்கிறார்.

அவரை இன்ஸ்டாவில் 17 மில்லியன் பேர் (ஒரு கோடியே 70 லட்சம் பேர்) பின்தொடர்கின்றனர். இதனால், பல்வேறு நிறுவனங்கள் தாங்கள் உற்பத்தி செய்யும் பொருட்களை அவரது இன்ஸ்டாகிராமில் விளம்பரம் செய்கின்றனர். இப்படி ஸ்பான்சர் செய்யப்படும் பிராண்டு விளம்பரங்களுக்கு ரூ.5 லட்சம் முதல் ரூ.10 லட்சம் வரை கறாராக கட்டணம் வசூலிக்கும் ஸ்ரீலீலா, ஒரு மாதத்துக்கு குறைந்தது 30 முதல் 40 லட்ச ரூபாய் வரையிலும், சில மாதங்களில் ரூ.50 லட்சம் வரையிலும் சம்பாதிக்கிறார்.