விஜய் சேதுபதி ஜோடியாக ஸ்ரத்தா கபூர்

வெற்றிமாறன் இயக்கத்தில் ‘அரசன்’, மிஷ்கின் இயக்கத்தில் ‘ட்ரெயின்’, புரி ஜெகன்நாத் இயக்கத்தில் ‘ஸ்லம்டாக் - 33 டெம்பிள் ரோடு’ ஆகிய படங்களில் நடிக்கும் விஜய் சேதுபதி, ‘கடைசி விவசாயி’ எம்.மணிகண்டன் இயக்கத்தில் ‘காட்டான்’ என்ற வெப்தொடரில் நடித்துள்ளார். இத்தொடரின் டீசர் வெளியாகி நல்ல வரவேற்பை பெற்றுள்ள நிலையில், இது வரும் 27ம் தேதி வெளியாகிறது.

இதையடுத்து மகிழ் திருமேனி இயக்கத்தில் விஜய் சேதுபதி நடிக்கும் படத்தை பற்றிய தகவல் வெளியாகியுள்ளது. அஜித் குமார் நடிப்பில் ‘விடாமுயற்சி’ படத்தை இயக்கியுள்ள மகிழ் திருமேனி அடுத்து இயக்கும் படம் என்பதால், ரசிகர்கள் மத்தியில் அதிக எதிர்பார்ப்பு ஏற்பட்டுள்ளது. இதில் விஜய் சேதுபதி ஜோடியாக நடிக்க ஸ்ரத்தா கபூரிடமும், வில்லனாக சஞ்சய் தத்துடனும் பேச்சுவார்த்தை நடந்து வருகிறது.