மணிரத்னம் இயக்கத்தில் கமல்ஹாசன், த்ரிஷா, துல்கர் சல்மான், ஜெயம்ரவி உள்ளிட்டோர் நடிக்கும் படத்திற்கு ‘தக் லைஃப்’ என பெயரிடப்பட்டுள்ளது. கமல்ஹாசன், இயக்குனர் மணிரத்னம் ஆகிய இருவரும் இணைந்து ‘நாயகன்’ படத்தில் பணிபுரிந்த நிலையில் நீண்ட இடைவெளிக்கு பின்னர் மீண்டும் இருவரும் இணைய உள்ள படத்தின் அறிவிப்பு கடந்த சில மாதங்களுக்கு முன் வந்தது. ரவி கே. சந்திரன் ஒளிப்பதிவில் அறிமுக முன்னோட்ட விடியோவின் படப்பிடிப்பு நடந்து முடிந்துள்ளது.
இந்த விடியோ கமலின் பிறந்த நாளான நவ.7-ல் (நாளை) வெளியாகவுள்ளது. இப்படத்தை ரெட் ஜெயண்ட் மூவிஸ், கமலின் ராஜ்கமல் நிறுவனம், மணிரத்னத்தின் மெட்ராஸ் டாக்கீஸ் நிறுவனம் ஆகியவை இணைந்து தயாரிக்கின்றன. ஏ.ஆர்.ரஹ்மான் இசையில் உருவாகும் இப் படத்தில் த்ரிஷா, ஜெயம் ரவி, துல்கர் சல்மான் இணைந்துள்ளனர். இந்நிலையில் கமலின் 234 படத்திற்கு தக் லைஃப் என பெயரிடப்பட்டுள்ளது. இது நாயகன் படத்தின் இரண்டாம் பக்கமா என்கிற சந்தேகத்தையும் எழுப்பியுள்ளது