சென்னை: ‘அந்தகன்’ திரைப்படம் ஆகஸ்ட் 15ம் தேதிக்கு பதிலாக 9ம் தேதியே வெளியாகும் என்று அறிவிக்கப்பட்டுள்ளது. ஆகஸ்ட் 15ம் தேதி ஏற்கனவே விக்ரமின் தங்கலான், அருள்நிதியின் ‘டிமான்டி காலனி 2’ கீர்த்தி சுரேஷின் ’ரகு தாத்தா’ ஆகிய மூன்று படங்கள் வெளியாகின்றன. இதனால் போதுமான தியேட்டர்கள் கிடைக்காது என்ற காரணத்தினால் ஒரு வாரத்துக்கு முன்பே படத்தை ரிலீஸ் செய்ய பிரசாந்த் மற்றும் தியாகராஜன் திட்டமிட்டு அறிவிப்பையும் வெளியிட்டுள்ளனர்.

அந்தகன் படத்தில் பிரசாந்த், சிம்ரன், கார்த்திக், பிரியா ஆனந்த், ஊர்வசி, யோகி பாபு, கேஎஸ் ரவிக்குமார், வனிதா விஜயகுமார், மனோபாலா உள்ளிட்ட பலர் நடித்துள்ளனர். இந்த படத்திற்கு சந்தோஷ் நாராயணன் இசை அமைத்துள்ளார். தியாகராஜன் இயக்கி உள்ள இந்த படம் ஆயுஷ்மான் குரானா, தபு, ராதிகா ஆப்தே நடித்த ’அந்தாதுன்’ என்ற இந்தி படத்தின் ரீமேக் என்பதும் குறிப்பிடத்தக்கது.