நடிகையும், ‘அம்மா’ என்கிற மலையாள நடிகர் சங்க தலைவருமான ஸ்வேதா மேனன் அளித்த பேட்டி வைரலாகி வருகிறது. அதில் அவர் கூறுகையில், ‘என் தந்தை மிகவும் கண்டிப்பானவர், அன்பானவர். எனது பேச்சும், செயலும் அவரை மீறி இருக்காது. எனக்கு அவர் நல்லது செய்தார் என்றாலும், நானாக முடிவெடுத்து செயல்பட நேரமானது. இப்போது அவர் இல்லை என்பதை நிஜமாகவே மிஸ் செய்கிறேன். எனது வாரிசு என்னை நம்பி வளர்வதை நான் விரும்பவில்லை. எனக்கு முதலில் பெற்றோர், அடுத்தது கணவர், மூன்றாவதாக என் மகள் ஆகியோர் மீது அக்கறை இருக்கிறது. மகளுக்காக வீடு, சொத்து என்று எதுவும் நான் சேர்க்கவில்லை. அப்படி சேர்க்கவும் மாட்டேன். தங்கள் பிள்ளைகளுக்காக பெற்றோர் சொத்துகள் சேர்த்து வைப்பது என்பது முட்டாள்தனம்.

அதைவிட, அவர்களுக்கு நல்ல கல்வியையும், உடல் ஆரோக்கியத்தையும், பயண அனுபவங்களையும் கொடுத்து ஆளாக்கி, அவர்கள் பெற்றோர்களை சார்ந்து நிற்காமல் சுயமாக செயல்படும்படி வளர்ப்பது மிகவும் நல்லது. தற்போது நான் அதைத்தான் செய்கிறேன். ஒருமுறை பேச்சுவாக்கில் என் மகள், இப்போது நாங்கள் வசிக்கும் இந்த அபார்ட்மெண்ட் தனக்குத்தான் என்று சொன்னாள். உடனே நான் அவளிடம், ‘உன் கனவில் கூட அப்படி நினைக்காதே. எனது வாழ்க்கையை நான் முழுமையாக வாழ்வேன். என்னிடம் இருந்து உனக்கு ஐந்து பைசா கூட கிடைக்காது. உன் வாழ்க்கையை நீதான் வாழ வேண்டும்’ என்று சொன்னேன். அதை அவள் புரிந்துகொண்டாள்’ என்றார். அவரது கருத்தை ரசிகர்களும், நெட்டிசன்களும் வரவேற்றுள்ளனர்.