தமிழ், இந்தி, தெலுங்கில் வரும் 28ம் தேதி ெவளியாகும் ‘தேரே இஷ்க் மே’ படத்தில் தனுஷ் ஜோடியாக நடித்துள்ள கிரித்தி சனோன் கூறுகையில், ‘தனுஷின் திறமை மற்றும் நடிப்புக்கு நான் தீவிர ரசிகையாகி விட்டேன். ஒரு காட்சி திரையில் எப்படி வெளிப்படும் என்பதை நல்ல அனுபவத்துடனும், அபாரமான புரிதலுடனும் அணுகி நடிக்கிறார். அவருடன் நடிக்க ஆவலாக இருந்தேன். இதற்கு முன்பு நாங்கள் சந்தித்தது இல்லை என்றாலும், படத்தில் அவரது சங்கர், எனது முக்தி கேரக்டர்களிடையே ஒரு அற்புதமான கெமிஸ்ட்ரி உருவானது.

நீளமான காட்சியில் நாங்கள் ஒருவரை ஒருவர் ஈர்த்தபடி நடித்ததை என்னால் மறக்க முடியாது. ஒரு நடிகராக தனுஷ் எனக்கு நல்ல ஒத்துழைப்பு கொடுத்தார். நிறைய காட்சிகளில் எனது மேம்பட்ட நடிப்பு வெளிப்பட அவர் உதவி செய்தார். திரையில் நாங்கள் செய்துள்ள சில மாயாஜாலங்கள் ரசிகர்களை பெரிதும் ஈர்க்கும் என்று நம்புகிறேன். அதை நாங்கள் நடிக்கும்போதே புரிந்துகொண்டோம். அவருடன் மீண்டும் பணியாற்ற காத்திருக்கிறேன். அவரை நான் மறைமுகமாக ரசித்தேன்’ என்றார். ஆனந்த் எல்.ராய் இயக்கியுள்ள இப்படத்துக்கு ஏ.ஆர்.ரஹ்மான் இசை அமைத்துள்ளார்.