‘கோமாளி’ என்ற படத்தை இயக்கிய பிரதீப் ரங்கநாதன், பிறகு ‘லவ் டுடே’, ‘டிராகன்’ ஆகிய படங்களில் ஹீரோவாக நடித்தார். தற்போது மைத்ரி மூவி மேக்கர்ஸ் தயாரிப்பில், இயக்குனர் சுதா கொங்கரா உதவியாளர் கீர்த்தீஸ்வரன் எழுதி இயக்கியுள்ள ‘ட்யூட்’ என்ற படத்தில் நடித்துள்ளார். தமிழ் மற்றும் தெலுங்கில் வரும் தீபாவளியன்று திரைக்கு வரும் இப்படத்தில் மமிதா பைஜூவை தேர்வு செய்தது எப்படி என்பது குறித்து கீர்த்தீஸ்வரன் கூறுகையில், ‘எனது 27வது வயதில் இயக்கும் முதல் படம் இது.

ஒளிப்பதிவாளர் நிகேத் பொம்மி மூலமாக மைத்ரி மூவி மேக்கர்ஸிடம் ‘ட்யூட்’ கதையை சொன்னேன். இதை எழுதியபோது, ரஜினிகாந்த் சாருக்கு 30 வயதிருந்தால் எப்படி நடித்திருப்பார் என்று மனதில் வைத்து எழுதினேன். பிரதீப் ரங்கநாதன் நன்கு பொருந்தியுள்ளார். அவரும், மமிதா பைஜூவும் ஒரு ஈவென்ட் மேனேஜ்மெண்ட் கம்பெனி நடத்துகின்றனர். அப்போது ஏற்படும் காதல் பிரச்னையை படம் சொல்கிறது. மமிதா பைஜூவை நான் ேதர்வு செய்தபோது, அவரது ‘பிரேமலு’ படம் வெளியாகவில்லை.

‘சூப்பர் சரண்யா’ என்ற படத்தை பார்த்துவிட்டு அவரை நடிக்க வைத்தேன். கதைக்குள் அவர் வந்தவுடன் ரஜினிகாந்த், தேவி ஜோடியை பார்த்த மாதிரி இருந்தது. காஸ்ட்யூம், லொகேஷன், விஷூவல் உள்பட எல்லா விஷயங்களிலும் புதுமையை புகுத்தி இருக்கிறோம். சாய் அபயங்கர் இசை அமைத்துள்ளார். சரத்குமார், ரோகிணி, ‘பரிதாபங்கள்’ டேவிட் நடித்துள்ளனர். பிரதீப் ரங்கநாதன் படத்தில் வழக்கமாக நீங்கள் எதிர்பார்க்கும் எல்லா விஷயங்களும் இதில் இருக்கும்’ என்றார்.