ஜேசன் சஞ்சய் படத்தில் கேத்தரின் தெரசா நடனம்
சென்னை: விஜய், சங்கீதாவின் மகன் ஜேசன் சஞ்சய் இயக்குனராக அறிமுகமாகும் படம், ‘சிக்மா’. ஆக் ஷன் கதை கொண்ட இதில் சந்தீப் கிஷன் ஹீரோவாக நடிக்கிறார். லைகா புரொடக்ஷன்ஸ் தயாரிக்க, தமன் இசை அமைக்கிறார். தமிழ், தெலுங்கில் உருவாகும் இப்படத்தில், சிறப்பு பாடல் காட்சி ஒன்றில் கேத்தரின் தெரசா நடனமாடி இருக்கிறார். இப்பாடல் காட்சியில் ஜேசன் சஞ்சய் நடித்துள்ளதாக கூறப்படுகிறது.
முக்கிய வேடங்களில் ஃபரியா அப்துல்லா, ராஜூ சுந்தரம், அன்புதாசன், யோக் ஜேபி, சம்பத் ராஜ், கிரண் கொண்டா, மகாலட்சுமி சுதர்சனன் நடித்துள்ளனர். கிருஷ்ணன் வசந்த் ஒளிப்பதிவு செய்துள்ளார். ஜேசன் சஞ்சய் கூறுகையில், ‘பயமே இல்லாத, மிகவும் சுதந்திரமான, இந்த சமூகத்தால் புரிந்துகொள்ளப்படாத ஒருவன், தனது இலக்குகளை நோக்கி நகர்வதை படம் பேசுகிறது. வேட்டை, கொள்ளை, காமெடி ஆகிய அம்சங்கள் ரசிகர்களுக்கு வித்தியாசமான அனுபவத்தை கொடுக்கும்’ என்றார்.
பிராந்திய செய்திகள்
