சென்னை: பிளஸ்ஸி இயக்கத்தில் மலையாள சூப்பர் ஸ்டார் மோகன்லால் அல்சைமர்ஸ் பிரச்சனை இருப்பவராக நடித்த தன்மாத்ரா படம் 2005ம் ஆண்டு டிசம்பர் மாதம் ரிலீஸானது. அந்த படத்தில் மோகன்லாலின் மனைவியாக நடித்திருந்தார் மீரா வாசுதேவன். தன்மாத்ரா படத்தில் மனைவியுடன் படுக்கையில் இருக்கும் காட்சியில் ஆடையில்லாமல் நடித்திருந்தார் மோகன்லால். சரியாக 20 வருடங்கள் கழித்து அந்த காட்சியை பற்றியும் அதில் நடிக்கும் முன் மோகன்லால் என்ன சொன்னார் என்பது குறித்தும் இப்போது மவுனம் கலைத்து ஓபனாக பேசியிருக்கிறார் மீரா வாசுதேவன்.

அவர் கூறியதாவது: அந்த காட்சியில் நிர்வாணமாக நடித்தது மோகன்லால் சாருக்கு ரொம்ப கஷ்டமாக இருந்தது. அவருக்கு மிகவும் சவாலான காட்சி. நானோ என்னை பற்றியும், சாரை பற்றியும், என் மரியாதையை பற்றியும் யோசிக்க வேண்டியதாக இருந்தது. மோகன்லால் சார் ப்ரொஃபஷனல் ஆன மனிதர். ஆடையில்லா காட்சியை ஷூட் செய்வதற்கு முன்பு என்னிடம் வந்து மன்னிப்பு கேட்டார். எந்த வகையிலாவது நான் உங்களை சங்கடப்படுத்தினால் ரொம்ப சாரி. இந்த காட்சிக்காக சாரினு சார் சொன்னார். காட்சியை படமாக்கும் முன்பு ஒரு பெட்டிகோட் போட்டிருந்தார் மோகன்லால் சார். ஷாட்டுக்கு முன்பு அதை எடுத்துவிட்டார். அந்த காட்சியை அனைவர் முன்பும் படமாக்க வேண்டாம். சின்ன டீம் போதுமே என நான் இயக்குனர் பிளஸ்ஸி சாரிடம் கேட்டுக் கொண்டேன். அவரும் சரி என்று சொல்லி என் கோரிக்கையை ஏற்று ஷூட் செய்தார். நாங்கள் நல்ல மனதுடன் அந்த காட்சியை படமாக்கினோம் என்றார்.