மலையாள முன்னணி நடிகர் மோகன்லால் மகன் பிரணவ், மலையாள படத்தில் இயக்குனராகும் ஆர்வத்தில் திரையுலகில் நுழைந்து, பிறகு தந்தை வழியில் ஹீரோவாக நடித்து வருகிறார். இதையடுத்து மோகன்லால் மகள் விஸ்மயாவும் மலையாளத்தில் ‘தொடக்கம்’ என்ற படத்தில் ஹீரோயினாக அறிமுகமாகிறார். சில வருடங்களுக்கு முன்பு கேரளாவில் ஏற்பட்ட கனமழை வெள்ளத்தால் நடந்த பேரழிவை மையப்படுத்தி வெளியான ‘2018’ என்ற சூப்பர் ஹிட் படத்தை இயக்கிய ஜூட் ஆண்டனி ஜோசப் இப்படத்தை இயக்குகிறார். தற்போது கேரளா இடுக்கி மாவட்டத்திலுள்ள குட்டிக்கானம் பகுதியில் படப்பிடிப்பு நடக்கிறது. அதே இடுக்கி மாவட்டத்தில் இன்னொரு பகுதியில், ஜீத்து ேஜாசப் இயக்கத்தில் மோகன்லால், மீனா நடிக்கும் ‘திரிஷ்யம் 3’ என்ற படத்தின் படப்பிடிப்பு நடக்கிறது.

இந்நிலையில், விஸ்மயா நடிக்கும் ‘தொடக்கம்’ படப்பிடிப்பு தளத்துக்கு மோகன்லால் திடீரென்று சென்றார். தனது மகள் எப்படி நடிக்கிறார் என்று பார்ப்பதற்காக அவர் வந்துள்ளார் என்று படக்குழுவினர் சொன்னாலும், இப்படத்தில் மோகன்லால் சிறப்பு வேடம் ஒன்றில் நடிப்பதற்காக, இயக்குனரிடம் ஆலோசனை நடத்த வந்தார் என்று இன்னொரு தகவல் சொல்கிறது. முன்னதாக பிரணவ் ஹீரோவாக அறிமுகமான ‘ஆதி’ என்ற மலையாள படத்தில் மோகன்லால், திரைப்பட நடிகராகவே சிறப்பு தோற்றத்தில் நடித்திருந்தது குறிப்பிடத்தக்கது.