இந்தி, பெங்காலி, ஆங்கிலம், தெலுங்கு ஆகிய மொழிகளில் படங்கள் மற்றும் குறும்படங்கள், டி.வி தொடர்களில் நடித்து வரு​ம் ஸ்வேதா பாசு பிரசாத் (34), தமிழில் ‘ரா ரா’, ‘மை’, ‘சந்​த​மா​மா’ ஆகிய படங்​களில் நடித்திருந்தார். சமீபத்தில் அவர் அளித்த பேட்டியில், ‘இப்போது நான் வித்தியாசமான கதைகளை தேர்வு செய்து நடிக்கிறேன். எனது கேரக்டரை தேர்வு செய்வ​தில் முன்பைவிட அதிக எச்சரிக்கையுடன் இருக்​கிறேன். என்னை தேடி பத்து கதைகள் வந்​தால், அதில் ஒன்பது கதைகள் நன்றாக இல்லை என்​றால், உடனே அதை வேண்டாம் என்று சொல்லி விடுகிறேன்.

வாய்ப்பு இல்​லாமல் ஆறு மாதங்​கள் வீட்​டில் அமர்ந்​திருந்​தா​ல் கூட பரவா​யில்​லை. நல்ல கதைகளுக்​காக வருடம் முழுக்க காத்​திருப்​பது அவசியம் என்று நினைக்கிறேன். எந்​த படத்​தை, எந்த கேரக்டரை தேர்வு செய்தாலும், அது நான் பார்க்க விரும்​பும் ஒன்​றாக இருப்​பது முக்​கி​யம். பரிசோதனை முயற்​சி​யான கதைகளும் என்னை தேடி வரு​கின்​றன. தற்போது ரசிகர்​கள் எல்லாவிதமான ஜானர் படங்​களையும் பார்த்து ரசிக்கின்றனர். நடிகர்களுக்​கும் வித​வித​மான கேரக்டர்களில் தங்​களின் திறமையை வெளிப்​படுத்த இது ஒரு சிறந்த தருணம் என்று நினைக்கிறேன். இப்போது நான் ஒரு நேரத்​தில்,​ ஒரு படத்​தில்​ மட்​டுமே நடிக்​கிறேன்’ என்​றார்.