கார்கில் போர் வெப்தொடரில் சித்தார்த்
இந்தியா, பாகிஸ்தான் இடையே கடந்த 1999ல் கார்கில் போர் மூண்டது. கார்கில், ஜம்மு மற்றும் காஷ்மீரில் இருக்கும் சில பகுதிகளில் பாகிஸ்தான் ராணுவமும், தீவிரவாதிகளும் ஊடுருவ முயன்றனர். அவர்களை இந்திய ராணுவம் விரட்டியடித்து, ஆக்கிரமிக்கப்பட்ட பகுதியை மீட்டது. அப்போது இந்திய விமானப்படை மேற்கொண்ட நடவடிக்கைகளுக்கு ‘ஆபரேஷன் சஃபேத் சாகர்’ என்று பெயரிடப்பட்டது. பாகிஸ்தான் ராணுவம் மற்றும் தீவிரவாத முகாம்கள், ஆயுதங்கள் மற்றும் விநியோக வழித்தடங்களை அழிப்பதில் பெரும் பங்காற்றியது.
இந்நிலையில், அந்த விமானப்படையின் பணியை ‘ஆபரேஷன் சஃபேத் சாகர்’ என்ற பெயரில் வெப்தொடராக உருவாக்கியுள்ளனர். அடுத்த ஆண்டு நெட்பிளிக்ஸில் வெளியாகும் இதில் விமானப்படை வீரராக சித்தார்த், ஜிம்மி ஷெர்கில், அபய் வர்மா, மிஹிர் அஹுஜா, தாருக் ரெய்னா, அர்னவ் பாசின் நடித்துள்ளனர். ஓனி சென் இயக்கியுள்ளார். மேட்ச் பாக்ஸ் ஷாட்ஸ், ஃபீல்குட் பிலிம்ஸ் தயாரித்துள்ள இந்த வெப்தொடர், இந்திய விமானப்படையின் ஆதரவுடன் உருவாகியுள்ளது. கார்கில் போரின் அறியப்படாத பக்கங்களை இத்தொடர் பேசும். டெல்லியில் நடந்த செகோன் இந்திய விமானப்படை மாரத்தான் 2025ன் தொடக்க விழாவில் வெப்தொடரின் டீசர் வெளியிடப்பட்டது.
பிராந்திய செய்திகள்
