டைம் டிராவல் கதையில் சிவகார்த்திகேயன்
சுதா கொங்கரா இயக்கத்தில் சிவகார்த்திகேயன் நடித்துள்ள ‘பராசக்தி’ என்ற படம், வரும் பொங்கலுக்கு திரைக்கு வருகிறது. இதையடுத்து அவர் நடிக்கும் படத்தை வெங்கட் பிரபு இயக்குகிறார். இதில் சிவகார்த்திகேயன் மிகவும் வித்தியாசமான தோற்றத்தில் நடிக்கிறார். இதற்காக வெங்கட் பிரபுவும், சிவகார்த்திகேயனும் அமெரிக்கா சென்றனர். அங்கு சிவகார்த்திகேயனுக்கு டீ-ஏஜிங் தோற்றம் வடிவமைக்கப்படுகிறது. இதற்கு முன்பு வெங்கட் பிரபு இயக்கத்தில் விஜய் நடித்த ‘தி கோட்’ படத்தில், விஜய்யின் டீ-ஏஜிங் லுக்கை அமெரிக்காவில் வடிவமைத்தனர். அதே இடத்தில் சிவகார்த்திகேயனின் தோற்றத்தை ஸ்கேன் செய்துள்ளனர்.
இது சயின்ஸ் பிக்ஷன் மற்றும் டைம் டிராவல் கதையை மையமாக கொண்டது. இதுகுறித்து இன்ஸ்டாகிராமில், சிவகார்த்திகேயன் அமெரிக்காவில் இருக்கும் ஸ்டுடியோவில் நிற்கும் ஒரு போட்டோவை பதிவிட்டுள்ள வெங்கட் பிரபு, ‘எதிர்காலம் இங்கே’ என்ற கேப்ஷனை குறிப்பிட்டுள்ளார். இதையடுத்து, இப்படம் டைம் டிராவல் கதையை மையப்படுத்தி உருவாக்கப்படுகிறது என்பதை வெங்கட் பிரபு உறுதி செய்துள்ளார். வரும் பொங்கல் பண்டிகைக்கு பிறகு படப்பிடிப்பு தொடங்குகிறது.
பிராந்திய செய்திகள்
