சென்னை: வரும் ஆகஸ்ட் 25ம் தேதி மறைந்த விஜயகாந்தின் பிறந்தநாள் வருகிறது. இதை முன்னிட்டு, அவரது நடிப்பில் வெளியாகி வெற்றிபெற்றிருந்த ‘கேப்டன் பிரபாகரன்’ படம் மறுவெளியீடு செய்யப்படுகிறது. அதிநவீன தொழில்நுட்பத்தில் புதுப்பிக்கப்பட்டுள்ள இப்படம், ஸ்பேரோ சினிமாஸ் சார்பில் வரும் ஆகஸ்ட் 22ம் தேதி கார்த்திக் வெங்கடேசன் மூலம் வெளியிடப்படுகிறது. விஜயகாந்தின் 100வது படமான ‘கேப்டன் பிரபாகரன்’, கடந்த 1991 ஏப்ரல் 14ம் தேதி வெளியானது.

ஆர்.கே.செல்வமணி இயக்கினார். சரத்குமார், ரூபிணி, ரம்யா கிருஷ்ணன், மன்சூர் அலிகான் நடித்திருந்தனர். இளையராஜா இசை அமைத்தார். இப்படத்தின் ரிலீஸ் தேதி அறிவிப்பு நிகழ்ச்சியில் தேமுதிக தலைவர் பிரேமலதா விஜயகாந்த், பொருளாளர் எல்.கே.சுதீஷ், இயக்குனர்கள் ஆர்.கே.செல்வமணி, விக்ரமன், ஆர்.வி.உதயகுமார், ஆர்.அரவிந்தராஜ், பேரரசு கலந்துகொண்டனர்.