சென்னை: மாசாணி பிக்சர்ஸ் நிறுவனத்தின் சார்பில் ஆர்.ராஜசேகர் தயாரிப்பில் உருவாகும் திரைப்படம் ‘வடம்.’, விமல் கதாநாயகனாக நடிக்க, வி. கேந்திரன் இயக்கத்தில், தமிழக பாரம்பரியங்களில் ஒன்றான மஞ்சு விரட்டு பின்னணியில் ‘வடம்’ உருவாக இருக்கிறது. இந்த படத்தின் படப்பிடிப்பு கோலாகலமாக பூஜையுடன் துவங்கியது. பிரம்மாண்டமாக உருவாகும் ‘வடம்’ படம், கோயம்புத்தூரில் உள்ள மாசாணி அம்மன் கோவிலில், படக்குழுவினர் கலந்துகொள்ள 1500 பேருக்கு அன்னதானம் அளித்து, பிரம்மாண்ட பூஜையுடன், இனிதே துவங்கியது. இந்தப் படத்தில் நடிகர் விமலுக்கு ஜோடியாக சங்கீதா நடிக்கிறார். மேலும் இவர்களுடன் பாலசரவணன், நரேன், ராமதாஸ் ஆகியோர் முக்கிய கதாபாத்திரங்களில் நடிக்கின்றனர். டி.இமான் இசையமைக்க, ஒளிப்பதிவு, பிரசன்னா எஸ் குமார்.