விபத்துகளை தவிர்க்க யஷ் விசேஷ பயிற்சி
‘கேஜிஎஃப் 1’, ‘கேஜிஎஃப் 2’ ஆகிய படங்களின் வெற்றிக்கு பிறகு பான் இந்தியா ஸ்டாராக மாறியுள்ள யஷ், நடிகை கீது மோகன்தாஸ் இயக்கத்தில் நடிக்கும் பான் இந்தியா படம், ‘தி டாக்ஸிக்’. மேலும் நயன்தாரா, ஹூமா குரேஷி, ரவீணா டாண்டன் நடிக்கின்றனர். கேவிஎன் புரொடக்ஷன்ஸ், மான்ஸ்டர் மைண்ட் கிரியேஷன்ஸ் சார்பில் வெங்கட் கே.நாராயணா, யஷ்...
‘கேஜிஎஃப் 1’, ‘கேஜிஎஃப் 2’ ஆகிய படங்களின் வெற்றிக்கு பிறகு பான் இந்தியா ஸ்டாராக மாறியுள்ள யஷ், நடிகை கீது மோகன்தாஸ் இயக்கத்தில் நடிக்கும் பான் இந்தியா படம், ‘தி டாக்ஸிக்’. மேலும் நயன்தாரா, ஹூமா குரேஷி, ரவீணா டாண்டன் நடிக்கின்றனர். கேவிஎன் புரொடக்ஷன்ஸ், மான்ஸ்டர் மைண்ட் கிரியேஷன்ஸ் சார்பில் வெங்கட் கே.நாராயணா, யஷ் இணைந்து தயாரிக்கின்றனர். கன்னடம், ஆங்கிலம் ஆகிய மொழிகளில் உருவாகும் இப்படம், பிறகு இந்தி, தெலுங்கு, தமிழ், மலையாளம் ஆகிய மொழிகளில் டப்பிங் செய்யப்படுகிறது. தற்போது மும்பை கோரேகானில் நடந்து வரும் ஷூட்டிங்கில், அதிரடி ஆக்ஷன் காட்சிகள் படமாக்கப்படுகிறது.
தவிர யஷ், தாரா சுதாரியா, அக்ஷய் ஓபராய், ஹூமா குரேஷி பங்கேற்கும் முக்கிய காட்சிகளும் படமாகின்றன. சமீபகாலமாக ஆக்ஷன் காட்சிகளை படமாக்கும்போது தவிர்க்க முடியாத விபத்துகள் ஏற்பட்டு உயிர் சேதமும், பொருட்சேதமும் ஏற்படுவதால், படப்பிடிப்புக்கு முந்தைய நாட்களில் அனைவருக்கும் விசேஷ பயிற்சி அளிக்கப்பட்டது. இஸ்ரேலிய தற்காப்புக்கலையான கிரவ் மகா, பிலிப்பைன்ஸ் கலையான பிலிப்பினோ காளி உள்பட பல ஆக்ஷன் வகைகளை ஹாலிவுட் ஸ்டண்ட் மாஸ்டர்கள் ஜேஜே பெர்ரி, ஜியோர்ஜி ஐராஜுலி வடிவமைத்துள்ளனர்.