சின்மயி பாடிய முத்த மழை பாடல் 100 மில்லியன் பார்வையை கடந்து சாதனை

சென்னை, செப்.4: மணிரத்னம் இயக்கத்தில், கமல்ஹாசன், சிலம்பரசன், திரிஷா மற்றும் பலர் நடிப்பில் வெளிவந்த படம் ‘தக் லைப்’. ரஹ்மானின் இசையில் இப்படத்தில் சில பாடல்கள் சூப்பர் ஹிட்டாக அமைந்தன. அதில் ஒன்று ‘முத்த மழை’ பாடல். சிவ ஆனந்த் எழுதி தீ பாடிய பாடல் இது. ஆனால், அந்த ஒரிஜனல் பாடலை விட படத்தின்...

சென்னை, செப்.4: மணிரத்னம் இயக்கத்தில், கமல்ஹாசன், சிலம்பரசன், திரிஷா மற்றும் பலர் நடிப்பில் வெளிவந்த படம் ‘தக் லைப்’. ரஹ்மானின் இசையில் இப்படத்தில் சில பாடல்கள் சூப்பர் ஹிட்டாக அமைந்தன. அதில் ஒன்று ‘முத்த மழை’ பாடல்.

சிவ ஆனந்த் எழுதி தீ பாடிய பாடல் இது. ஆனால், அந்த ஒரிஜனல் பாடலை விட படத்தின் இசை வெளியீட்டின் போது பாடகி சின்மயி பாடிய மேடைப் பாடல் 100 மில்லியன் பார்வைகளை யூடியூப் தளத்தில் கடந்துள்ளது. மூன்று மாதங்களுக்கு முன்பு வெளியான அந்த மேடைப் பாடல் வீடியோ 100 மில்லியனைப் பெற்றுள்ளது. ஆனால், அந்தப் பாடலின் ஒரிஜனல் வீடியோ பாடல் இரண்டு மாதங்களுக்கு முன்பு வெளியாகி வெறும் 10 மில்லியன் பார்வைகளை மட்டுமே பெற்றுள்ளது.

மேடையில் பாடப்பட்ட ஒரு பாடல் 100 மில்லியன் பார்வைகளைக் கடந்திருப்பது இதுவே முதல் முறையாக இருக்கும். மேடையில் தான் பாடிய ஒரு பாடல் இப்படி ஒரு சாதனையைப் பெற்றிருப்பது குறித்து பாடகி சின்மயி, “எனது மேடை நிகழ்ச்சிக்கு 100 மில்லியன் பார்வைகள். கடவுளுக்கு, ரஹ்மான் சாருக்கு மற்றும் இதை சாத்தியமாக்கிய அனைத்து நல்ல உள்ளங்களுக்கும் மனமார்ந்த நன்றி. அற்புதங்கள் சாத்தியமே. நம்பிக்கையைப் பிடித்து உண்மையை உறுதியாகப் பற்றிக்கொள்ளுங்கள்” என்று குறிப்பிட்டுள்ளார்.