70 படங்கள் முடக்கம்: கே.ராஜன் திடுக் தகவல்

சென்னை: எஸ்பிஏ புரொடக்‌ஷன்ஸ் தயாரித்துள்ள படம், ’மகேஸ்வரன் மகிமை’. கதை எழுதி இயக்கி தயாரித்து, முக்கிய கேரக்டரில் ஆர்.தவமணி நடித்துள்ளார். ஹரிஹரன், செழியன், ஆசிஃபா, கோபி நடித்துள்ளனர். சாலமன் ஒளிப்பதிவு செய்ய, பாடல்களுக்கு ஆர்.டி.ஜீவா இசை அமைத்துள்ளார். கிரி எடிட்டிங் செய்ய, லெஷ்வின் பின்னணி இசை அமைத்துள்ளார். இப்படம் சம்பந்தமான நிகழ்ச்சியில் திரைப்பட விநியோகஸ்தர்கள்...

சென்னை: எஸ்பிஏ புரொடக்‌ஷன்ஸ் தயாரித்துள்ள படம், ’மகேஸ்வரன் மகிமை’. கதை எழுதி இயக்கி தயாரித்து, முக்கிய கேரக்டரில் ஆர்.தவமணி நடித்துள்ளார். ஹரிஹரன், செழியன், ஆசிஃபா, கோபி நடித்துள்ளனர். சாலமன் ஒளிப்பதிவு செய்ய, பாடல்களுக்கு ஆர்.டி.ஜீவா இசை அமைத்துள்ளார். கிரி எடிட்டிங் செய்ய, லெஷ்வின் பின்னணி இசை அமைத்துள்ளார். இப்படம் சம்பந்தமான நிகழ்ச்சியில் திரைப்பட விநியோகஸ்தர்கள் சங்க தலைவர் கே.ராஜன் பேசியதாவது:

தமிழில் ஆண்டுக்கு 240 படங்கள் தயாராகிறது. கடந்த ஆண்டில் பூஜையுடன் நின்ற படங்கள், கால்பாகம் முடிந்த படங்கள், பாதியளவு முடிந்த படங்கள், முடித்தும் வெளியிட முடியாத படங்கள் என்று எவ்வளவோ படங்கள் முடங்கியுள்ளன. படத்தை தயாரிப்பதை விட, அதை வெளியிடுவது கடினமாக இருக்கிறது. கியூப்புக்கு பணம் கட்டுவது, பப்ளிசிட்டி செய்வது என்று 50 லட்ச ரூபாய் தேவைப்படுகிறது. கியூப்புக்கு பணம் கட்ட முடியாமல் 70க்கும் மேற்பட்ட படங்கள் தவிக்கின்றன. எனவே, தயவுசெய்து சிறுபட்ஜெட் படங்களுக்கும் ஆதரவு கொடுங்கள் என்று கோரிக்கை விடுக்கிறேன்.