எஃப் 1 போன்ற ஹாலிவுட் படங்களில் நடிக்க ஆர்வம்: அஜித் குமார் பேட்டி

சென்னை: முன்னணி நடிகர் அஜித் குமார், சினிமாவில் நடித்துக்கொண்டே பல நாடுகளில் நடக்கும் தொழில்முறையிலான கார் பந்தயங்களில், தனது அணி சார்பில் பங்கேற்று வருகிறார். சமீபத்தில் Mercedes-AMG GT3 என்ற காரை அவர் வாங்கியிருந்தார். அந்த காரின் விலை சுமார் 10 கோடி ரூபாய். அதனுடன் சேர்ந்து அவர் எடுத்த போட்டோ வைரலானது. இந்நிலையில் அஜித்...

சென்னை: முன்னணி நடிகர் அஜித் குமார், சினிமாவில் நடித்துக்கொண்டே பல நாடுகளில் நடக்கும் தொழில்முறையிலான கார் பந்தயங்களில், தனது அணி சார்பில் பங்கேற்று வருகிறார். சமீபத்தில் Mercedes-AMG GT3 என்ற காரை அவர் வாங்கியிருந்தார். அந்த காரின் விலை சுமார் 10 கோடி ரூபாய். அதனுடன் சேர்ந்து அவர் எடுத்த போட்டோ வைரலானது.

இந்நிலையில் அஜித் குமாரை சந்தித்த சில நிருபர்கள், ​​ஹாலிவுட்டின் கார் பந்தயம் தொடர்பான படங்களை பற்றி கேட்டனர். சமீபத்தில் வெளியான பிராட் பிட்டின் ‘எஃப் 1’ என்ற படத்துக்கு நேர்மறையான வரவேற்பு கிடைத்ததை தொடர்ந்து, கார் ரேஸ் சம்பந்தப்பட்ட படத்தில் நடிப்பது குறித்து பரிசீலனை செய்வீர்களா என்று கேட்டனர்.

இதற்கு சிரித்தபடி பதிலளித்த அஜித் குமார், ‘ஹாலிவுட் படங்களில் நடிக்க வேண்டும் என்று எனக்கு அதிக ஆர்வம் இருக்கிறது. ‘ஃபாஸ்ட் அன்ட் ஃபியூரியஸ்’ படத்தின் அடுத்த பாகத்திலோ அல்லது ‘எஃப் 1’ படத்தின் அடுத்த பாகத்திலோ நடிக்கும் வாய்ப்பு கிடைத்தால் கண்டிப்பாக நடிப்பேன். எனது படங்களில் நானேதான் சண்டைக் காட்சிகளில் நடிக்கிறேன். கார் ரேஸ் சம்பந்தமான காட்சிகளிலும் நானேநடிக்கிறேன்’ என்றார். அவரது இந்த பேட்டி வைரலாகி வருகிறது.