மக்களை பிரிக்க சினிமாவை பயன்படுத்துறாங்க: கிஷோர் குற்றச்சாட்டு

சென்னை: நடிகர் கிஷோர் கூறியது: பாலிவுட்டில் சல்மான் கானின் ‘சிக்கந்தர்’ படத்தில் முருகதாஸ் இயக்கத்தில் நடித்தேன். இதைத் தாண்டி சுவாரஸ்யமான வாய்ப்புகள் எதுவும் வரவில்லை. சில வாய்ப்புகள் வந்தது. ஆனால், அதெல்லாம் எனக்கு செட் ஆகவில்லை. ‘சாவா’ படத்திலும் என்னை நடிக்கக் கேட்டார்கள். அது பிரச்சார படம் எனத் தெரியும். அதனாலதான் நடிக்கவில்லை. சினிமாவை, மக்களைப் பிரிக்கிறதுக்காகவும் இப்போது பயன்படுத்திக் கொண்டு இருக்கிறார்கள். அரசியல் ஆதரவிற்காக ‘காஷ்மீர் ஃபைல்ஸ்’ மாதிரியான படங்களை எடுக்கிறார்கள். தவறான தாக்கம் தரக்கூடிய படங்களை நம்ம பண்ணனுமா? அதனால் அத்தகைய படங்களிலிருந்து விலகியே இருக்கிறேன். வெற்றிமாறனின் ‘அரசன்’ படத்தைப் பார்க்கிறதுக்கு நான் ஆவலோடு காத்திருக்கேன். நிச்சயமாக நல்ல படமாக இருக்கும். ‘வடச்சென்னை’ படத்தில் ஒவ்வொரு கதாபாத்திரத்திற்கும் அவ்வளவு விஷயங்கள் அமைத்திருப்பார். அவர் எடுத்த படத்தில் சேர்க்காத காட்சிகளை வைத்து தனியாக ஒரு சீரிஸே பண்ணலாம்.