குகநேசன் சோனைமுத்து இயக்கத்தில் ‘சுப்பன்’

மதுரையை சேர்ந்த ரொட்டேரியன் ஆர்.ஆனந்தமுருகனின் பகவான்ஸ் பிக்சர்ஸ் தயாரித்துள்ள படம், ‘சுப்பன்’. இதை எஸ்.பி.எஸ்.குகன் என்கிற குகநேசன் சோனைமுத்து கதை, திரைக்கதை, வசனம் எழுதி ஒளிப்பதிவு செய்து இயக்கியுள்ளார். சூழ்நிலையே ஒருவனை குற்றம் செய்ய தூண்டி குற்றவாளியாக மாற்றுகிறது. அந்த குற்றத்துக்கான தண்டனை கண்டிப்பாக கிடைத்தே தீரும் என்பது இப்படத்தின் மையக்கருத்து. சமூகத்துக்கு ரோட்டரி சங்கங்கள் செய்யும் சேவைகள், உதவிகள் குறித்து சொல்லும் காட்சிகளும் இடம்பெற்றுள்ளன. இன்றைய சமூக ஊடகங்களால் பெண்களுக்கு ஏற்படும் பிரச்னைகளை பற்றியும் படம் பேசுகிறது. மதுரையில் படப்பிடிப்பு நடந்துள்ளது. அடுத்த மாதம் படம் திரைக்கு வருகிறது.

இதில் ஆனந்தமுருகன், பாலஹாசன், யாசர், காயத்ரி ரேமா, ஷார்மிஷா, சுவாதி எஸ் பிள்ளை, டாக்டர் சரவணன், ரொட்டேரியன் விஸ்வ நாராயண், தேவா, மிதுன் சக்ரவர்த்தி, கஜராஜ், சரவண சக்தி, ஹலோ கந்தசாமி நடித்துள்ளனர். ‘மதுரை டூ தேனி வழி ஆண்டிப்பட்டி’ என்ற படத்தின் இணை தயாரிப்பாளர், கிரியேட்டிவ் ஹெட், ஒளிப்பதிவாளர் ஆகிய பொறுப்புகளை ஏற்றிருந்த குகநேசன் சோனைமுத்து, ‘சனிக்கிழமை சாயங்காலம் 5 மணி’ என்ற படத்தை தயாரித்து, ஒளிப்பதிவு செய்து, கிரியேட்டிவ் ஹெட்டாக பணியாற்றினார். DSLR ஸ்டில் கேமராவில் படமாக்கப்பட்ட முதல் திரைப்படம் என்ற பெருமையுடன், லிம்கா புக் ஆஃப் ரொக்கார்ட் என்ற புத்தகத்தில் இடம்பெற்றார். பிறகு போட்டோகிராபர்கள் மற்றும் வீடியோ கலைஞர்களின் ஆதரவுடன் ‘முயல்’ என்ற படத்தை இயக்கினார். இதையடுத்து சிவகாசி பாலாவுடன் இணைந்து ‘மதுரை டூ தேனி வழி ஆண்டிப்பட்டி’ என்ற படத்தின் 2ம் பாகத்தை தயாரித்து, ஒளிப்பதிவு செய்து இயக்கினார்.