‘பன்றியுடன் சண்டை போட்டால்...’ ரவி மோகன் கெனிஷாவை மீண்டும் வம்புக்கு இழுக்கும் ஆர்த்தி

சென்னை: ரவி மோகன், ஆர்த்தி விவாகரத்து வழக்கு நீதிமன்றத்தில் உள்ளது. இந்நிலையில் பாடகி கெனிஷாவுடன் ரவி மோகன் சேர்ந்து வாழ்ந்து வருவதாக கூறப்படுகிறது. இதனால் ரவி மோகன், கெனிஷாவை சீண்டும் வகையில் அவ்வப்போது தனிப்பட்ட கருத்துகளை கூறி வருகிறார் ஆர்த்தி. இதையடுத்து இதுபோல் சமூக வலைத்தளங்களில் விமர்சனம் செய்யக் கூடாது என சென்னை உயர்நீதிமன்றம் உத்தரவிட்டது.

இதையடுத்து ரவி மோகன், கெனிஷாவின் பெயரை பயன்படுத்தாமல் அவர்களை மறைமுகமாக ஆர்த்தி தாக்கி வருகிறார். இந்நிலையில் சோஷியல் மீடியாவில் ஆக்டிவ்வாக இருக்கும் ஆர்த்தி வைத்திருக்கும் ஒரு ஸ்டோரி அனைவரையும் அதிர்ச்சி அடைய செய்துள்ளது. அந்த ஸ்டோரியில், ‘‘ஒரு தெரபிஸ்ட் சொன்னது: பன்றியுடன் சண்டையிடாதே. நீயும் பன்றியும் சேற்றில் சிக்கிவிடுவீர்கள்.

ஆனால் அந்த சேற்றை ரசிப்பது என்னமோ பன்றிதான்’’ என்று குறிப்பிட்டிருக்கிறார். இதை பார்த்த ரசிகர்களோ, ஆர்த்தி ரவி பன்றி என்று யாரை சொல்கிறார். தனக்கு எதிர் தரப்பில் இருப்பவர்களைத்தான் பன்றியோடு ஒப்பிட்டு விமர்சனம் செய்திருக்கிறாரோ; என்ன இப்படி தரக்குறைவாக பேச ஆரம்பித்துவிட்டார் என்று கமெண்ட்ஸ் செய்துவருகின்றனர். இது பரபரப்பை ஏற்படுத்தியுள்ளது.