சிறு பட்ஜெட்டில் நல்ல படம் எடுங்க: புதுமுக இயக்குனர்களுக்கு பி.சி.ஸ்ரீராம் அட்வைஸ்

சென்னை: எம்.ஆர். பாரதி இயக்கத்தில் புதுமுகங்கள் ஜீவா, ஹரிஷா, பிரபு சாஸ்தா, இந்திரா மற்றும் பலர் நடிப்பில் உருவாகி இருக்கும் திரைப்படம் ‘ட்ரீம் கேர்ள்’. இப்படத்திற்கு சாலமன் போஸ் ஒளிப்பதிவு செய்துள்ளார். இளமாறன் இசையமைத்துள்ளார். சாருலதா பிலிம்ஸ் தயாரித்துள்ளது. பாடல்களை சரிகம வெளியிட்டுள்ளது. இப்பட விழாவில் ஒளிப்பதிவாளர் பி.சி.ஸ்ரீராம் பேசும்போது, ‘‘சினிமா ஆடியோ விழாவில் கலந்து...

சென்னை: எம்.ஆர். பாரதி இயக்கத்தில் புதுமுகங்கள் ஜீவா, ஹரிஷா, பிரபு சாஸ்தா, இந்திரா மற்றும் பலர் நடிப்பில் உருவாகி இருக்கும் திரைப்படம் ‘ட்ரீம் கேர்ள்’. இப்படத்திற்கு சாலமன் போஸ் ஒளிப்பதிவு செய்துள்ளார். இளமாறன் இசையமைத்துள்ளார். சாருலதா பிலிம்ஸ் தயாரித்துள்ளது. பாடல்களை சரிகம வெளியிட்டுள்ளது.

இப்பட விழாவில் ஒளிப்பதிவாளர் பி.சி.ஸ்ரீராம் பேசும்போது, ‘‘சினிமா ஆடியோ விழாவில் கலந்து கொள்வது இதுவே முதல்முறை. பாரதி அழைத்தால் மறுப்பு சொல்ல முடியுமா? அவர் தனது நட்பின் மூலம் உயர்ந்திருக்கிறார்.எனக்கு மகிழ்ச்சியாக இருக்கிறது. எங்களுக்குள் நீண்ட நாள் நட்பு உண்டு.எங்களுக்குள் பல கதைகள் உண்டு. இது வழக்கமான படமாக இருக்காது. அவர் இது மாதிரி அர்த்தமுள்ள சிறிய பட்ஜெட் படங்கள் செய்தாலே போதும். பல கோடி ரூபாய் பெரிய பட்ஜெட் படங்கள் எல்லாம் வேண்டாம். இந்தப் படம் நன்றாக வர வேண்டும். பாரதிக்கு வாழ்த்துக்கள்’’ என்றார்.