தமிழ் சினிமாவை விட மல்லுவுட் பெஸ்ட்: ஆண்ட்ரியா

சென்னை: தமிழை விட மலையாளத்தில் நல்ல கதாபாத்திரம் அமைக்கிறார்கள், மலையாளம் தெரிந்திருந்தால் கேரளாவுக்கு நடிக்க சென்று அங்கேயே செட்டில் ஆகி இருப்பேன் என நடிகை ஆண்ட்ரியா தெரிவித்துள்ளார். கவின் மற்றும் ஆண்ட்ரியா நடிப்பில் இன்று மாஸ்க் திரைப்படம் திரைக்கு வர உள்ள நிலையில், சென்னையில் அவர் செய்தியாளர்களை சந்தித்து பேசினார். அப்போது, தான் தயாரித்துள்ள மாஸ்க் திரைப்படம் நல்ல வசூல் ஈட்டினால், தானே ‘பிசாசு 2’ படத்தை வெளியிட அனைத்து முயற்சிகளையும் எடுப்பேன் எனத் தெரிவித்தார்.

“மலையாள சினிமாவில் கதாபாத்திரங்களை சிறப்பாக எழுதுகிறார்கள். எனக்கு மலையாளம் தெரிந்திருந்தால் நான் அங்கேயே செட்டில் ஆகியிருப்பேன். அங்கே ஒரு முன்னணி நடிகர் லீட் ரோலில் நடித்தால், அடுத்தப்படத்தில் சப்போர்டிங் கதாபாத்திரத்தில் நடிப்பார். ரூ.4 கோடி பட்ஜெட் முதலீடு போட்டு ரூ.100 கோடி வசூலை எடுப்பார்கள். இது வேறு எந்த திறைத்துரையிலும் நடக்காது” என்றார்.