யஷ்ஷிடம் ரூ.65 லட்சம் மோசடி பிஆர்ஓ மீது போலீசில் புகார்

பெங்களூரு: பான்-இந்தியா சூப்பர் ஸ்டார் நடிகர் யஷ்ஷின் குடும்பம் எதிர்பாராத விதமாக ஒரு மோசடி புகாரில் சிக்கியுள்ளது. யஷ்ஷின் தாய் புஷ்பா ஒரு தயாரிப்பு நிறுவனத்தைத் தொடங்கி படம் தயாரித்து வரும் நிலையில், விளம்பரப் பணிகளுக்காக நியமிக்கப்பட்ட ஒரு பி.ஆர்.ஓ மீது அவர் ரூ.65 லட்சம் மோசடி செய்ததாகப் புகார் அளித்துள்ளார்.

மீண்டும் பணம் தரவில்லை என்றால், படம் வெளியாகும் நேரத்தில் நெகட்டிவ் பப்ளிசிட்டி செய்து படத்தை தோல்வியடையச் செய்வேன் என்று ஹரிஷ் மிரட்டியதாகப் புகாரில் புஷ்பா தெரிவித்துள்ளார். ‘‘தனக்கு பல ஊடகங்கள் தெரியும், ரிலீஸ் நேரத்தில் படத்திற்கு எதிராகப் பிரச்சாரம் செய்வேன்” என்று ஹரிஷ் கூறியதாகவும் அவர் கூறியுள்ளார்.

இந்தச் சர்ச்சையில் ஹரிஷுடன் மேலும் இருவர் ஈடுபட்டுள்ளதாகவும், அவர்கள் படத்தின் இயக்குனரையும் மிரட்டுவதாகவும் கூறப்படுகிறது. இதையடுத்து யஷின் தாயார் புஷ்பா காவல்துறையில் புகார் அளித்துள்ளார். அவர் அளித்த புகாரின் அடிப்படையில் போலீசார் வழக்குப்பதிவு செய்து தீவிர விசாரணையில் ஈடுபட்டுள்ளனர். மேலும், புஷ்பா பி.ஆர். சங்கம் மற்றும் கன்னட திரைப்பட வர்த்தக சபையிலும் புகார் அளித்துள்ளார்.