விஜே சித்து இயக்கி நடிக்கும் டயங்கரம்

சென்னை: வேல்ஸ் பிலிம் இண்டர் நேஷனல் தயாரிக்கும் ‘டயங்கரம்’ என்ற படத்தை விஜே சித்து எழுதி இயக்கி ஹீரோவாக நடிக்கிறார். இந்த தலைப்பு, அவர் யூடியூப் வீடியோக்களில் பிரபலமாக பயன்படுத்திய வார்த்தை ஆகும். படம் குறித்து தயாரிப்பாளர் ஐசரி கே.கணேஷ் கூறுகையில், ‘பிரதீப் ரங்கநாதன், ஆர்ஜே பாலாஜி போன்ற இயக்குனர்களையும், நடிகர்களையும் அறிமுகம் செய்தது போல் விஜே சித்துவை அறிமுகம் செய்கிறேன்’ என்றார்.

பிறகு விஜே சித்து கூறும்போது, ‘நான் யூடியூப்புக்காக வீடியோக்களை படமாக்குவதில் இருந்து சற்று முன்னேறி, சினிமாவுக்கான ஷூட்டிங் செட்டில் ‘ஆக்‌ஷன்’ என்று சொல்லும் இடத்துக்கு வந்திருப்பதை நினைத்து பெருமகிழ்ச்சி அடைகிறேன். ‘டயங்கரம்’ என்பது எனது குரல், கோபம், ஸ்டைல், வாழ்க்கை ஆகும். இதையே ரசிகர்களுடன் பகிர்ந்துகொள்கிறேன்’ என்றார்.