ரசிகர்களை ஏமாற்ற மாட்டேன்: சொல்கிறார் மணிகண்டன்
உலகின் ஆதி உணர்வு காதல். ஆனால், எப்போதும் ஆணுக்கும், பெண்ணுக்கும் இடையிலான உறவு சிக்கல் மிகுந்ததாகவே இருந்து வருகிறது. இக்கால இளைஞர்களின் உலகையும், ரிலேஷன்ஷிப்பில் அவர்கள் சந்திக்கும் பிரச்னைகள், அவர்களின் காதல் உள்பட எல்லாவற்றையும் பற்றி விரிவாகப் பேசும் ரொமான்ஸ் டிராமாவாக இப்படம் உருவாகியுள்ளது. அனைவரையும் கவரும் வகையில், இப்படத்தை ஒரு கமர்ஷியல் கொண்டாட்டமாக பிரபுராம் வியாஸ் எழுதி இயக்கியுள்ளார். ஹீரோயின் ஸ்ரீகவுரி பிரியா கொடுத்த ஒத்துழைப்பை மறக்க முடியாது. இப்படத்தின் ஷூட்டிங் நடந்தபோது அவர் இருந்த நிலை மிகவும் பரிதாபத்துக்குரியது. ஆனால், தனது கஷ்டத்தை எல்லாம் பொருட்படுத்தாமல் நடித்துக் கொடுத்த அவரது அர்ப்பணிப்பு உணர்வை கண்டிப்பாக நான் பாராட்டியாக வேண்டும். ஏற்கனவே நான் நடித்து வெளியான ‘ஜெய்பீம்’, ‘குட்நைட்’ ஆகிய படங்களுக்கு இசை அமைத்திருந்த ஷான் ரோல்டன், இப்போது ‘லவ்வர்’ படத்துக்கு இசை அமைத்துள்ளார். அவரது 10 பாடல்களும் மிகவும் வித்தியாசமாகவும், அழுத்தமாகவும் இருக்கும். பின்னணி இசையில் அவர் இப்படத்தின் கதையையும், காட்சிகளையும் மேலும் மெருகூட்டியிருக்கிறார். நான் எப்போதும் சொல்வது போல், கண்டிப்பாக இப்படம் ரசிகர்களை ஏமாற்றது என்ற உத்தரவாதத்தை அளிக்கிறேன்.