ஐதராபாத்: ‘விடாமுயற்சி’ படத்தில் அஜித்துடன் இணைந்து நடிக்க திரிஷாவிடம் பேச்சுவார்த்தை நடந்து வருகிறது. இந்நிலையில் 39 வயது நடிகர் சர்வானந்துக்கு 40 வயதான திரிஷா அம்மாவாக நடிக்கப் போகும் தகவல் ரசிகர்களிடம் அதிர்ச்சியை ஏற்படுத்தியுள்ளது. மலையாளத்தில் வெளியான ‘ப்ரோ டாடி’ படத்தில் மோகன்லால், பிருத்விராஜ் நடித்திருந்தனர். இந்த படத்தை பிருத்விராஜ் இயக்கியிருந்தார். இப்படம் தெலுங்கில் ரீமேக் செய்யப்பட இருக்கிறது. இதில் மோகன்லால், ஹீரோ பிருத்விராஜுக்கு அப்பா வேடத்திலும் மீனா ஹீரோவுக்கு அம்மாவாகவும் நடித்திருப்பார். பிருத்விராஜுக்கு ஜோடியாக கல்யாணி பிரியதர்ஷன் நடித்திருந்தார்.
மோகன்லால் கேரக்டரில் சிரஞ்சீவி நடிக்க இருக்கிறார். மகன் கேரக்டரில் சர்வானந்த் நடிக்கிறார். அவருக்கு ஜோடியாக லீலா நடிக்க உள்ளார். தெலுங்கு ரசிகர்களின் கனவு கன்னியாக இருந்த திரிஷா அனைத்து டாப் ஹீரோக்களுக்கும் ஜோடியாக நடித்திருக்கிறார். இப்போது அவர் இந்த படத்தில் சிரஞ்சீவிக்கு ஜோடியாகிறார். அதாவது 39 வயதான சர்வானந்துக்கு அம்மாவாக 40 வயதாகும் திரிஷா நடிக்க உள்ளார். கடந்த 2015ம் ஆண்டு திரிஷா நடிப்பில் நாயகி படம் தமிழ், தெலுங்கு மொழிகளில் வெளியானது. அதன் பிறகு இவர் எந்த தெலுங்கு படத்திலும் நடிக்கவில்லை. இந்நிலையில் இப்போது நீண்ட இடைவெளிக்கு பிறகு தெலுங்கில் நடிக்க உள்ள திரிஷா, தன்னைவிட ஒரு வயதே குறைந்த நடிகருக்கு அம்மாவாக நடிப்பது ரசிகர்களை அதிர்ச்சியடைய ெசய்துள்ளது. இதை ரசிகர்கள் பலரும் சமூக வலைத்தளத்தில் விமர்சித்து வருகிறார்கள்.