லோகேஷ் கனகராஜ் இயக்கிய மாஸ்டர், விக்ரம் படங்களில் நடித்தார் விஜய் சேதுபதி. தற்போது விஜய்யை வைத்து அவர் இயக்கி வரும் லியோ படத்திலும் நடிக்க இருப்பதாக செய்திகள் வெளியாகின. ஆனால் சமீபத்தில் தான் அளித்த ஒரு பேட்டியில், லியோ படத்தில் தான் நடிக்கவில்லை என்பதை உறுதிப்படுத்தினார் விஜய் சேதுபதி.
இந்த நிலையில் லியோ படத்தில் விஜய் சேதுபதி நடிக்கவில்லை என்றாலும் அப்படத்தில் வில்லனாக நடிக்கும் பாலிவுட் நடிகர் சஞ்சய் தத்துக்கு விஜய் சேதுபதி டப்பிங் கொடுக்கப் போவதாக தகவல் வெளியாகி இருக்கிறது. தற்போது சென்னையில் நடைபெற்று வரும் லியோ படத்தின் கிளைமேக்ஸ் காட்சிகள் விரைவில் ஐதராபாத் விமான நிலையம் மற்றும் ராமோஜிராவ் பிலிம் சிட்டி போன்ற இடங்களில் படமாகப்பட உள்ளது என்பது குறிப்பிடத்தக்கது.