சென்னை: திரைக்கு வந்த ‘பரியேறும் பெருமாள்’, ‘கர்ணன்’ ஆகிய படங்களை தொடர்ந்து மாரி செல்வராஜ் இயக்கத்தில் வெளியான படம், ‘மாமன்னன்’. இதில் உதயநிதி ஸ்டாலின், வடிவேலு, பஹத் பாசில், கீர்த்தி சுரேஷ், லால் நடித்திருந்தனர். கடந்த 29ம் தேதி வெளியான இப்படம் பல்வேறு தரப்பினரின் பாராட்டுகளை பெற்றுள்ளது. இப்படத்தின் வெற்றியை தொடர்ந்து, ரெட் ஜெயன்ட் மூவிஸ் சார்பில் மாரி செல்வராஜூக்கு மினி கூப்பர் கார் பரிசளிக்கப்பட்டது.
இப்படத்தின் சிறப்பு காட்சியைப் பார்த்து ரசித்த ரஜினிகாந்த், தனுஷ், பா.ரஞ்சித், விக்னேஷ் சிவன், திருமாவளவன் உள்பட பலர் உதயநிதி ஸ்டாலின், மாரி செல்வராஜ் மற்றும் படக்குழுவினருக்கு தங்கள் வாழ்த்துகளை தெரிவித்து வருகின்றனர். இந்நிலையில், ‘மாமன்னன்’ படம் தெலுங்கில் ‘நாயக்குடு’ என்ற பெயரில், வரும் 14ம் தேதி திரைக்கு வருவதாக அறிவிக்கப்பட்டுள்ளது.