சென்னை: ‘ஜெயிலர்’ படத்தில் காவாலா பாடலுக்கு ஆடிய பிறகு, தமன்னா தனது இரண்டாவது இன்னிங்சை தொடங்கிவிட்டார். இதையடுத்து அவருக்கு பாலிவுட்டிலும் வாய்ப்புகள் குவியத் தொடங்கியது. இதற்கிடையே படங்களிலும் வெப் தொடர்களில் கவர்ச்சி காட்டியும் படுக்கை காட்சியிலும் நடித்து அனைவரது கவனத்தை ஈர்த்து வருகிறார். தற்போது இந்தியில் உருவாகியுள்ள ‘ஸ்த்ரீ 2’ படத்தில் ஒரு ஐட்டம் பாடலுக்கு குத்தாட்டம் போட்டிருக்கிறார்.
இந்நிலையில் தமன்னா இப்படியொரு அழகான நடிகையாக மாற, ஆரம்பத்தில் அவர் செய்த காஸ்மெடிக் சர்ஜரி தான் காரணமாம்.
இதுகுறித்து பிரபல டெர்மடாலஜிஸ்ட் மருத்துவர் ஹமின் அனன் அளித்த பேட்டியொன்றில் பகிர்ந்துள்ளார். நடிகைகள் நயன்தாரா, சமந்தா, திரிஷா, தமன்னா, அதிதி ராவ், ஸ்ருதி ஹாசன், திரிப்தி டிம்ரி போன்றவர்கள் ஆரம்பத்தில் இருந்த தோற்றத்திற்கும் தற்போது உள்ள தோற்றத்திற்கும் மொத்தமாக மாறியிருக்க காரணமே காஸ்மெடிக் சர்ஜரி தான். தமன்னாவும் அந்த மாதிரியான காஸ்மெடிக் சர்ஜரி செய்து அழகை மெருகேற்றி இருக்கிறார். இந்த சர்ஜரியின்போது முறையான சிகிச்சைகளை செய்துக்கொண்டால் பாதிப்பு ஏதும் வராது என்றும் மருத்துவர் கூறியிருக்கிறார். அனிமல் பட நடிகை திரிப்தி டிம்ரி இந்த மாதிரி சர்ஜரி செய்ததால், ஒரு புருவம் மேலும், ஒரு புருவம் கீழும் இருக்கும். அது அவர் தவறாக சிகிச்சை செய்ததன் விளைவு தான் என்றும் தெரிவித்துள்ளார் மருத்துவர் ஹமின் அனன்.