தங்கர்பச்சான் இயக்கத்தில், நீண்ட இடைவேளைக்கு பிறகு உருவாகி உள்ள படம் ‘கருமேகங்கள் கலைகின்றன’. பாரதிராஜா, கௌதம் வாசுதேவ் மேனன், அதிதி பாலன், யோகிபாபு நடித்திருக்கும் இப்படத்தின் முதல் தோற்றத்தை கமல்ஹாசன் வெளியிட்டார். அப்போது பாரதிராஜா, இயக்குநர் தங்கர்பச்சான், தயாரிப்பாளர் டி. துரை வீரசக்தி ஆகியோர் உடனிருந்தனர். ”இப்படம் தமிழ் திரை வரலாற்றில் மிக முக்கியமான படைப்பாக இருக்கும்”என்று கமல்ஹாசனிடம் பாரதிராஜா கூறினார்.கமல்ஹாசன் இயக்குநர் தங்கர் பச்சானிடம் கூறுகையில்… “தமிழ் சினிமாவின் பெருமை மிகு படைப்பாளி பாரதிராஜா ஒரு படைப்பை இந்த அளவு புகழ்ந்து பார்த்ததில்லை. இப்படத்தில் நடித்த பிறகு தான் ஓய்வுபெற்று விடலாம் என்று சொல்லும் அளவுக்கு அவர் கூறியது எனக்கு பேராச்சர்யம். இப்பொழுதே உடனடியாக படம் பார்க்கும் ஆவல் வந்துவிட்டது. விரைவில் படத்தை காட்டுங்கள்” என்றார்.
62